On ma pengalaman ni si Ucok tikki ari pesta.
.
Molo jumpang songonon bulan dua bolas, dimasa Ni Natal pintor terbayang do SI ucok tikki kalas 4 SD, di hapogoson ni Dainang i..
Sebelum dapot malam Natal Tgl 25 Desember, maronan ma inongkon di boan ma kopi saotik songon tiga-tigana, laho manuhor baju Natalhu (inna rohakku).
-
Aupe attong hu paburju nakarejo i, mamahan babi, manussi piring, manapu alaman dohot palobuhon manuk.
.
Tuhoron ni inong do ra annon dohot sipatukku ninna rohangku, sambil hu hapal-hapal liturgi kon sasahali.
-
Jempet hata dohonon mulak ma inongkon sian onan, pintor husukkun ma inongkon
Ucok: " warna na ahado di Tuhor ho inong bajukki ?"
Inong : " Ee...siappudan hu on nian tahe bah ,so adong hu tuhor manang na aha amang !, holan timbaho pulos-pulos ni among mu do ni, miak lampu, dohot gulamo si bollang mata, so sadia tuhorni koppitta i. sabbil tarilu-ilu hubereng inongon au pe laos lungun rohakku.
-
Dang sadia leleng roma angka dongan, mangajak au laho tu gareja, beta ucok pahatop i, andigan be ? ganti bajum i, asa lao hita, hubereng halaki massai lasroha na be , marbaju na baru, dohot marsipatu namar lampu-lampu. Alai speakerna dang adong.
-
Pittor roma inongkon, painte hamu jolo ibana rappak hamu, pintor dibuat inongon ma salawar ni Abangku, tor hatop hupangke, dang kala semangat au, alai malbas-albas ma, ala pabalga hu, tor dibuat Inongon ma BAYON las ditalihon tu gottingki songon ganti ni ikat pinggang.
(abagooo yamang pogos nami on hohos pe so tartuhor ni inong kon hudok dibagas rohangku)
Dapot ma acara Liturgi di jou ma goarhu, tor semangat hian au tujolo, jala onma liturgikku tikki i, melegenda do ayat on. jala gogo hian hudok...
"DIMULA NI MULANA, DITOPPA DEBATA ( pintor putus bayon i ) hulanjutton do tong alai mar legato LA~~NGIT DO~~HOT TA~~NO ON. Pintor hulean mic i tudongan ki.

Alai sai hu hapit-hapit ma hae-haeku hera na berak dicelana manahan-nahan salawar si maupi, maila au tallus tarida annon sibagur tanokki.

Dung sae hami napajojorhon i mulak ma hami tupudi.
Roma inongon, na boha do ho amang ? Songon na langan2 bohim na di jolo i, pardalan mu asing,,

Hu husippon ma nenget,, gotap inong Bayon na binaen mi.
Mekkel suping ma inongi alai di bagas rohana malengleng.

Martangiang do au nian asa mittop lampu tikki i, ale dang jadi, lokma disi inna rohakku .